"O líder de Anova, Xosé Manuel Beiras, ten claro que, hoxe por hoxe, o independentismo non é o camiño para acadar un estado soberano en Galicia. "Eu son independentista e marxista, pero nunca exercín como tal", apuntou nunha entrevista en RNE.
"Desenvolvín sempre liñas socialdemócratas, porque era o posible",
suliñou. Precisamente, nesta idea insistiu ao defender un novo modelo
político de Galicia con España que non sexa o independentismo, tal e como defende o BNG, porque cre que, na actualidade, iso non é posible para acadar a "soberanía política".
"Que se pode conseguir nun estado independente?... Que non, que iso non é viable porque
non hai conciencia social suficiente, non temos a potencia de Cataluña,
pero podemos conseguir unha articulación federal-confederal no estado
español que preserve a nosa liberdade de decisión e exercer os nosos
dereitos que non nos impoñan un modelo de financiamento, que o teñamos
propio, ter unha facenda propia...?", destacou.
"Do que se trata é de cal é a vía mellor para que o
pobo galego exerza a súa soberanía política, para que teña institucións
políticas soberanas propias (...) e que iso sexa viable e conseguible",
explicou en relación ao modelo polo que aposta Anova, agora en coalición
cos federalistas de IU na Cámara galega e tamén para as eleccións
europeas. (...)" (Galicia Confidencial, 16/03/2014)
No hay comentarios:
Publicar un comentario