¡Texas independiente! O gobernador de Texas xoga coa idea da secesión nun 'Tax Day' especial

(traductor gallego español)

"Os conservadores rememoran no 'Día dos Impostos' a 'Tea Party', revolta de 1773 contra as taxas coloniais británicas, para criticar a Obama (...)

"Washington abandonou os principios fundacionais dun Goberno limitado. A Administración federal está a estrangular os estadounidenses con impostos, gasto e débedas". Estas son algunhas das teses defendidas polos conservadores nos Estados Unidos para atacar a Administración Obama.

Teses repetidas esta cuarta feira en diversos mítines, que o Partido Republicano organizou esta cuarta feira no 'Día dos Impostos', derradeiro para presentar a declaración da renda, rememorando o Tea Party, a coñecida revolta de 1773, en Boston contra as taxas coloniais do Imperio Británico.

• Máis información: NY Daily News | The Huffington Post | Dallas News
  

Rick Perry, gobernador do estado de Texas, foi un pouco máis alá e xogou coa idea da secesión. En Austin, ante berros de "Secesión!", o dirixente recordou que a economía texana goza de boa saúde en comparación con outros territorios dos EUA.

Posteriormente, ante as preguntas dos medios, Perry referiuse a cuestión arredista. "Hai moitísimos escenarios diferentes. Temos unha grande Unión. Non hai ningunha razón en absoluto para a disolver. Mais se Washington continúa a desconsiderar o pobo estadounidense, quen sabe que podería saír de aí".

• Máis información: Austin American Statesman | Star-Telegram | Fox News

(Vieiros, 16/04/2009)